Հենրիխ Մխիթարյանը` Գերմանիայի գավաթի լավագույն ռմբարկու

ԵՐԵՎԱՆ, 23 մայիսի. /ԱՌԿԱ/. Հայաստանի հավաքականի կիսապաշտպան Հենրիխ Մխիթարյանը ճանաչվել է Գերմանիայի գավաթի լավագույն ռմբարկու։

Գերմանիայի Գավաթի եզրափակչում Դորտմունդի «Բորուսիան» 11 մետրանոց հարվածաշարով պարտվեց Մյունխենի «Բավարիային», հաղորդում է «Նովոստի–Արմենիա» գործակալությունը` հղում անելով armsport-ին։

Հայաստանի հավաքականի ավագ Հենրիխ Մխիթարյանը մրցաշարի ընթացքում խփել է 5 գոլ ու ճանաչվել լավագույն ռմբարկու:

4-ական գոլ են խփել Լևերկուզենի «Բայերի» մեքսիկացի հարձակվող Չիչարիտոն, մյունխենցիների գերմանացի կիսապաշտպան Թոմաս Մյուլերը:–0–