Հայաստանի նախագահը Մոսկվայում կմասնակցի Տիգրան Պետրոսյանի հիշատակին նվիրված գրոսմայստերական մրցաշարին

ԵՐԵՎԱՆ, 5 նոյեմբերի. /ԱՌԿԱ/. Հայաստանի Հանրապետության նախագահ, Հայաստանի շախմատային ֆեդերացիայի նախագահ Սերժ Սարգսյանը նոյեմբերի 6-ին աշխատանքային այցով կմեկնի Ռուսաստանի Դաշնություն, հայտնում է հայկական պետության ղեկավարի մամուլի ծառայությունը։

Նույն օրը Սարգսյանը կմասնակցի Մոսկվայում անցկացվող շախմատի աշխարհի 9-րդ չեմպիոն Տիգրան Պետրոսյանի հիշատակին նվիրված գրոսմայստերական մրցաշարին:

Մրցաշարը կազմակերպել են «Տաշիր գրուպ» ընկերությունը և Ռուսաստանի շախմատային ֆեդերացիան:

Պետրոսյանն այս տարի կդառնար 85 տարեկան։

Պետրոսյանի հուշամրցաշարը 100 հազար եվրո մրցանակային ֆոնդով անցկացվում է նոյեմբերի 3–11–ը։ Հաղթողը կստանա 25 հազար եվրո, երկրորդ տեղը զբաղեցրածը` 20 հազար, երրորդը` 15 հազար եվրո։ -0-