Etihad Airways-ը ընդլայնում է աշխարհագրությունը. նոր ուղիղ չվերթեր դեպի Երևան և 6 այլ քաղաքներ
15.07.2025,
12:12
Etihad Airways-ը ուղիղ չվերթեր կիրականացնի Աբու Դաբիից դեպի Երևան և 6 այլ քաղաքներ
ԵՐԵՎԱՆ, 15 հուլիսի./ԱՌԿԱ/. ԱՄԷ ազգային Etihad Airways ավիաընկերությունը ուղիղ չվերթ կիրականացնի Աբու Դաբիից դեպի Երևան և 6 այլ քաղաքներ։
«2025 թ.-ի նոյեմբերից մենք չվերթեր կիրականացնենք դեպի 7 ուղղություն՝ Երևան, Թբիլիսի, Ալմաթի, Բաքու, Բուխարեստ, Մեդինա և Տաշքենդ», - ասվում է ԱՄԷ ազգային ավիաընկերության հայտարարության մեջ։
2003 թ.-ին հիմնադրված ավիաընկերությունը գտնվում է Աբու Դաբիում, իսկ գլխավոր գրասենյակը՝ Զայդ միջազգային օդանավակայանում: Ուղևորափոխադրումներից բացի, Etihad Airways-ը նաև իրականացնում է բեռնափոխադրումներ և զբաղվում է զբոսաշրջության բիզնեսով։ Ավիաընկերությունը թռիչքներ է իրականացնում դեպի աշխարհի ավելի քան 90 երկիր:
