Արդշինբանկն ֆիզիկական անձանց առաջարկում է սպասարկման շահավետ տարբերակներ

ԵՐԵՎԱՆ, 19 հունիսի./ԱՌԿԱ/. Արդշինբանկը ներկայացրել է ծառայությունների երկու փաթեթ՝ Optimal և Advanced՝ հարմարեցված ֆիզիկական անձանց, որոնք գնահատում են անհատականացված բանկային ծառայությունները, հաղորդում է Արդշինբանկի մամուլի ծառայությունը:

Մանրածախ բիզնեսի տնօրեն Արտակ Խաչատրյանի խոսքով՝ նոր լուծումները անհատ հաճախորդներին հնարավորություն են տալիս անվճար օգտվելու բարձր պահանջարկ ունեցող մի քանի ծառայություններից. «Դուք վճարում եք միայն մեկ անգամ և ամբողջ տարվա ընթացքում օգտվում ծառայություններից: Ընտրելով այս փաթեթները՝ հաճախորդները կարող են օգտվել անհատականացված սպասարկումից և խնայել իրենց ժամանակը:»,- ասաց Ա. Խաչատրյանը: 

Optimal փաթեթի շրջանակներում հաճախորդները կարող են.

• բացել բանկային հաշիվ ՀՀ դրամով
• պատվիրել Mastercard Standard, Visa Classic կամ Visa Gold դեբետային քարտ
• ակտիվացնել i-Banking ծառայությունը
• կատարել գործարքների հեռավար պատվիրում և հաստատում Mօbile Banking հավելվածով
• օգտվել անհատական մենեջերի ծառայությունից: 

Advanced փաթեթի շրջանակներում հաճախորդները կարող են.

• բացել բանկային հաշիվ ՀՀ դրամով
• բացել 3 հատ բանկային հաշիվ ցանկացած արժույթով
• պատվիրել Mastercard Black Edition պրեմիում դասի քարտ և Priority Pass քարտ
• ստանալ 2 անձի համար անվճար մուտք Priority Pass ցանցի բիզնես սրահներ
• ակտիվացնել i-Banking ծառայությունը
• կատարել գործարքների հեռավար պատվիրում և հաստատում Mօbile Banking հավելվածով
•  օգտվել անհատական մենեջերի ծառայությունից:

Վերոնշյալ փաթեթների թողարկման և սպասարկման պայմաններին կարող եք ծանոթանալ՝ անցնելով հետևյալ հղումով: 

Արդշինբանկը վերահսկվում է ՀՀ ԿԲ կողմից:-0-