«ԱՌԿԱ» գործակալությունը 29-ամյակի կապակցությամբ ներկայացնում է նոր Media Kit

ԵՐԵՎԱՆ, 30 ապրիլի․/ԱՌԿԱ/․ «ԱՌԿԱ» լրատվական գործակալությունը, որը Հայաստանի առաջատար լրատվամիջոցներից մեկն է, գործարկել է նոր Media Kit 29-ամյակի կապակցությամբ։ 

Փաստաթուղթն արտացոլում է հոլդինգի լայն մեդիա հնարավորությունները և նախատեսված է գովազդատուների, գործընկերների և բոլոր նրանց համար, ովքեր հետաքրքրված են հայկական շուկայում արդյունավետ առաջխաղացմամբ։ 

Նոր Media Kit–ը ներառում է ինչպես «ԱՌԿԱ» գործակալության գործունեության առանցքային ուղղությունները, այնպես էլ դրա մասնագիտացված պորտալների՝ Armbanks.am-ի և Arkatelecom.am-ի նախագծերը։

«29 տարվա ընթացքում «ԱՌԿԱ» գործակալությունը դարձել է ոչ միայն նորությունների աղբյուր, այլև բիզնեսի հուսալի գործընկեր և հեղինակության ինստիտուտ մեդիաշուկայում։ Նոր Media Kit–ը մեր պատասխանն է ժամանակակից գովազդատուի պահանջներին», - հայտարարել է «ԱՌԿԱ» գործակալության տնօրեն Կոնստանտին Պետրոսովը։

Նոր Media Kit–ին կարելի է ծանոթանալ հետևյալ հղումով։ 

«ԱՌԿԱ» լրատվական գործակալությունը (arka.am) գործում է 1996 թվականի մայիսի 1-ից։ Մասնագիտանում է ֆինանսատնտեսական և քաղաքական տեղեկատվության ոլորտում։

Այսօր գործակալության հաճախորդների թվում են Արժույթի միջազգային հիմնադրամը, Վերակառուցման և զարգացման եվրոպական բանկը, Միջազգային ֆինանսական կորպորացիան, Եվրոպական զարգացման բանկը, Առևտրի և զարգացման բանկը (BSTDB) և այլք։ Մեզ հետ համագործակցում են աշխարհի խոշորագույն լրատվական գործակալություններն ու տվյալների բազաները, մասնավորապես՝ Factiva-ն, ISI-ը, Thomson Reuters-ը։