ՀՀ-ում 11,1 մլրդ դրամ կներդրվի ջերմոցային լոլիկի մշակության ոլորտում
23.04.2026,
21:17
Ընկերությունը գերակա ոլորտում իրականացվող ներդրումային ծրագրի շրջանակում կօգտվեն ներմուծման մաքսատուրքից ազատելու արտոնությունից
ԵՐԵՎԱՆ, 23 ապրիլի․/ԱՌԿԱ/․ «Ագրոնեսթ» ՍՊԸ-ն 11,1 մլրդ դրամ կներդնի գերժամանակակից ջերմոցի կառուցման համար, որտեղ կաճեցվեն լոլիկներ։
Կառավարության որոշմամբ՝ ընկերությունը գերակա ոլորտում իրականացվող ներդրումային ծրագրի շրջանակում կօգտվի ներմուծման մաքսատուրքից ազատվելու արտոնությունից։
Ներդրվող միջոցները նախատեսվում է ուղղել հումքի և սարքավորումների ձեռքբերմանը, ինչպես նաև շինարարական աշխատանքների իրականացմանը։
Ներդրումային ծրագրի շրջանակում նախատեսվում է մինչև 2027 թ.-ը ստեղծել 140 նոր աշխատատեղ։ Մաքսատուրքից ազատման արտոնությունը գնահատվում է 550 մլն դրամ։
