Տոկոսադրույքների նվազումը Հայաստանում կհանգեցնի անշարժ գույքի շուկայի ակտիվացման. Ամերիաբանկ

ԵՐԵՎԱՆ, 29 նոյեմբերի. /ԱՌԿԱ/. Հայաստանի ֆինանսական շուկայում տոկոսադրույքների նվազումը կակտիվացնի անշարժ գույքի շուկան, ասաց Ամերիաբանկի մանրածախ գործառնությունների գծով տնօրեն Արման Բարսեղյանը առցացն մամուլի ասուլիսի ժամանակ։

ՀՀ Կենտրոնական բանկի տվյալներով, հոկտեմբերի դրությամբ մինչև մեկ տարի ժամկետով դրամային վարկերի տոկոսադրույքները տարվա սկզբի համեմատ նվազել են 2,3 տոկոսային կետով և կազմել են 13,17%, իսկ ավանդների մասով` 1,33 հորիզոնականով` մինչև 8,77%.

«Առաջին հայացքից կարող է թվալ, որ տոկոսադրույքների և անշարժ գույքի շուկայի միջև ոչ մի կապ չկա։ Սակայն կա ուղիղ կապ։ Մասնավորապես, տոկոսադրույքի նվազումը հանգեցնում է անշարժ շուկայի ակտիվացմանը, բարձրանում է լիկվիդայնությունը։ Եվ հետագայում չի բացառվում անշարժ գույքի գների որոշակի բարձրացում», – ասաց Բարսեղյանը։

Նրա խոսքով, այս շուկայի վերջին կարևոր միտումներից է այն, որ բնակչությունը սկսել է  ընկալել անշարժ գույքը ոչ միայն բնակավայրի և դրա վրա ծախսի տեսանկյունից, այլ նաև դրա միջոցով ստացվող եկամուտի տեսանկյունից։

Այս առումով, անշարժ գույքից, մասնավորապես վարձակալությունից ստացված եկամուտը  համադրվում է բանկային տոկոսադրույքների հետ։

«Անշարժ գույքի շուկայում տոկոսադրույքի նվազման պայմաններում ստեղծվում է լրացուցիչ պահանջարկ, անշարժ գույքն ավելի եկամտաբեր է դառնում ներդրումներ կատարելու և եկամուտ ստանալու տեսանկյունից», – ասաց Բարսեղյանը։

Նրա խոսքով, արդեն այսօր անշարժ գույքի շուկայում կարելի է արձանագրել ակտիվացում, մասնավորապես, նկատվում է անշարժ գույքի գործարքների աճ։