Աշխարհահռչակ բրենդ-ամբասադորը վարպետության դասեր կանցկացնի Երևանում

ԵՐԵՎԱՆ, 12 դեկտեմբերի. /ԱՌԿԱ/.  Հայաստան ժամանած աշխարհահռչակ դեգուստատոր, «Ֆինլանդիա պլատինում» ապրանքանիշի բրենդ–ամբասադոր Մարկու Ռեյտինենը Երևանում հինգշաբթի հանդես կգա վարպետության դասընթացով, «ԱՌԿԱ» գործակալությանը հայտնեցին «Սփրինգ»  Հետազոտական և PR ընկերությունից:
«Մաստեր կլաս-համտեսին կմասնակցեն ոլորտի մասնագետներ, ինչպես նաև հատուկ հյուրեր՝ ռեստորանային, հյուրանոցային, առևտրի և սպասարկման, բիզնես ոլորտների, մշակույթի, լրատվամիջոցների ներկայացուցիչներ»,- ասվում է հաղորդագրության մեջ:

Վարպետության դասընթացը կսկսվի մամուլի ասուլիս-քննարկում ձևաչափով, որի ընթացքում Մարկու Ռեյտինենը կպատասխանի մասնագետների և լրագրողների հարցերին: Մաստեր կլասի ավարտից հետո բոլոր հյուրերը և ԶԼՄ-ների ներկայացուցիչները կհրավիրվեն համտեսի, որին կհաջորդի  Finland Vodka Cup բարմենների մրցույթը` տեղի պրոֆեսիանալ բարմենների մասնակցությամբ:

Մարկու Ռեյտինենը աշխարհահռչակ դեգուստատոր է:  17 տարի շարունակ «Ֆինլանդիա» ապրանքանիշի դեմքն է, 1999 թվականից սկսած ընկերության բրենդ–ամբասադորն է ողջ աշխարհում: Ռեյտինենը նաև «Ֆինլանդիա» օղու դեգուստացիայի գծով գլխավոր հրահանգավորողն է:
Որպես դեգուստացիայի ուսուցման գլոբալ ծրագրի ղեկավար` նա կրթում է ոչ միայն բրենդ ամբասադորներին, այլև դեգուստացիայի վարպետության դասընթացներ է անցկացնում լրագրողների, վաճառքի պատասխանատուների, բարմենների և սպառողների համար: -0-