«Հարմար պահ չի լինի, պետք է սկսել հիմա»․ հայ փորձագետը նշել է ներդրում սկսելու համար անհրաժեշտ հիմնական պայմանները
ԵՐԵՎԱՆ, 29 հոկտեմբերի․/ԱՌԿԱ/․ Պետք չէ հետաձգել ներդրում կատարելը՝ սպասելով «հարմար պահի», այն երբեք չի լինի, վստահ է Freedom Broker Armenia–ի մասնավոր ներդրումների բաժնի ղեկավար Արման Խաչատրյանը։
«Պետք է հասկանալ, որ շուկան պատմական տեսանկյունից անընդհատ աճում է։ Հետևաբար, երբ ինչ-որ մեկն ասում է. «Սպասում եմ հարմար պահի՝ սկսելու համար», մենք միշտ պատասխանում ենք, որ հարմար պահ երբեք չի լինի», – հայտարարել է նա «ԱՌԿԱ» գործակալությանը տված հարցազրույցում։
Այս կապակցությամբ նա պարզաբանել է, որ կա մի տերմին, որը կոչվում է «բաց թողնված շահ», երբ, օրինակ, վեց ամիս անց հասկանում ես, որ պետք է սկսեիր այն ժամանակ։
«Հետևաբար պետք է սկսել հենց հիմա։ Շուկան զարգանում է, առաջ է շարժվում, աճում է, և երբեք չի լինի ավելի հարմար ժամանակ, քան հիմա» – ընդգծել է Խաչատրյանը։
Ներդրումներ սկսելու հիմնական պայմանները թվում փորձագետը նշել է նպատակի, սկզբնական գումարի և ներդրումների ռազմավարության առկայությունը։
«Շատ մարդիկ ուզում են ամեն ինչ և միանգամից, բայց նրանք պետք է հասկանան, որ շուկան այլ կերպ է գործում։ Պետք է ունենալ այս գործընթացի երկարաժամկետ ըմբռնում», – նշել է նա։
Խաչատրյանը նաև կարևորել է ֆինանսական գրագիտությունը ներդրման ռազմավարության ձևավորման համար։
Ամբողջական հոդվածին կարելի է ծանոթանալ հետևյալ հղումով
