Հայաստանում գազասպառողների թիվը 2013 թ.–ին գերազանցել է 640.7 հազարը. ՀայՌուսգազարդ

ԵՐԵՎԱՆ, 11 ապրիլի. /ԱՌԿԱ/.  2013 թվականի ապրիլի 1-ի դրությամբ Հայաստանի գազահամակարգին է միացված 640 790 բաժանորդ, հայտնում է «ՀայՌուսգազարդ» ընկերության մամուլի ծառայությունը։

«Ընթացիկ տարվա առաջին եռամսյակում «ՀայՌուսգազարդ» ՓԲԸ փաստացի գազասպառող բաժանորդների թիվն ավելացել է 2239-ով, որից 716-ը՝ մարտ ամսին»,– ասվում է հաղորդագրությունում։

Հայաստանի ներքին շուկայում ռուսական բնական գազի մատակարարման և տեղաբաշխման ոլորտի մենաշնորհը պատկանում է «ՀայՌուսԳազարդ» ՓԲԸ-ին։ Ընկերությունը ստեղծվել է 1997 թվականին բաժնետերերն են` «Գազպրոմ» ՍՊԸ-ն և  Հայաստանի կառավարությունը։ -0-