ՀՀ ՀԾԿՀ-ն երկարաձգել է «ՀայՌուսգազարդ» ՓԲԸ լիցենզիաների գործողության ժամկետները

ԵՐԵՎԱՆ, 12 սեպտեմբերի. /ԱՌԿԱ/. Հանրային ծառայությունները կարգավորող հանձնաժողովը որոշում է ընդունել երկարաձգել «ՀայՌուսգազարդ» փակ բաժնետիրական ընկերության բնական գազի բաշխման և գազամատակարարման համակարգի օպերատորի ծառայության լիցենզիաների գործողության ժամկետները մինչև 2015 թվականի սեպտեմբերի 29-ը, հաղորդում է ընկերության մամուլի ծառայությունը:

Որոշումն ուժի մեջ է մտնում 2013 թվականի սեպտեմբերի 29-ից:

«ՀայՌուսգազարդ» ՓԲԸ–ն մենաշնորհ ունի Հայաստանի ներքին շուկայում ռուսական բնական գազի մատակարարման և բաշխման ոլորտում։ Ընկերությունը ստեղծվել է 1997 թվականին, դրա բաժնետերերն են` «Գազպրոմ» ԲԲԸ–ն և Հայաստանի կառավարությունը։ -0- -