Մոսկվան հյուրընկալում է Հայաստանի էլիտար նորակառույցների առաջին ցուցահանդեսը

ԵՐԵՎԱՆ, 11 մարտի․/ԱՌԿԱ/․ Առաջին անգամ Ռուսաստանում կանցկացվի Հայաստանի անշարժ գույքի խոշոր ցուցահանդես-վաճառք, որը տեղի կունենա ապրիլի 12-13-ին Մոսկվայի «Ararat Park Hyatt Moscow» հյուրանոցում։ Սա եզակի հնարավորություն է բոլոր նրանց համար, ովքեր հետաքրքրված են Հայաստանում անշարժ գույք գնելու հարցով՝ ստանալու բացառիկ առաջարկներ երկրի առաջատար կառուցապատողներից։

Միջոցառման ընթացքում կներկայացվեն Հայաստանի լավագույն նորակառույցները, ինչպես նաև հատուկ պայմաններ և բացառիկ զեղչեր գնորդների համար։ Բացի այդ, Ռուսաստանի քաղաքացիներին կառաջարկվի հիպոթեքային վարկավորում՝ ավելի շահավետ պայմաններով և նվազեցված տոկոսադրույքներով։ 

Ցուցահանդեսի այցելուները հնարավորություն կունենան ծանոթանալ Հայաստանի զբոսաշրջային քաղաքներում ներկայացված նախագծերին, այդ թվում՝ ապարտ-հյուրանոցներին՝ գնման համար եզակի տարբերակներին, որոնք ոչ միայն ապահովում են հարմարավետ կեցություն, այլև լրացուցիչ եկամուտ։ 

Ցուցահանդեսը կդառնա նաև հարթակ համաշխարհային ճանաչում ունեցող բրենդերի համար, որոնք իրենց գործունեությունը սկսել են Հայաստանի անշարժ գույքի շուկայում։ Ներկայացված կառույցների թվում են պրեմիում և լյուքս դասի բնակելի համալիրները և հյուրատները, ինչպիսիք են Kempinski–ն, Pullman–ը, Mövenpick–ը, Milano Firenze–ն, Novotel–ը և այլք։ Կներկայացվեն այնպիսի շինություններ, ինչպիսիք են Amanoo–ն, Skyline–ը, Ayvazovski–ն, Ember–ը, Firdus 33–ը, Old Yerevan–ը, HEVN–ը, Dalan technopak–ը, InTown–ը, Allure Residence Dilijan–ը, Argishti–ն և մի շարք այլ նախագծեր։ 

Հատուկ ներդրումային առաջարկ կներկայացնի նաև Myler Mountain Resort–ը։ 

Ինչպես նշել է Business Partners of Armenia ընկերության նախագահ Վրույր Փենեսյանը, միջոցառման գլխավոր նպատակն է ոչ միայն խթանել անշարժ գույքի վաճառքը, այլև բարձրացնել հայկական անշարժ գույքի շուկայի ճանաչելիությունը արտերկրում, առաջ մղել դրա ներդրումային գրավչությունը, ինչպես նաև ամրապնդել գործարար կապերը ռուս և հայ կառուցապատողների ու ձեռնարկատերերի միջև։ 

Նախատեսվում է ցուցահանդեսը դարձնել ամենամյա իրադարձություն, որը կբացի նոր հնարավորություններ համագործակցության և Հայաստանի անշարժ գույքի շուկայի զարգացման համար։  

Հրավիրում ենք բոլոր շահագրգիռ անձանց այցելել Հայաստանի անշարժ գույքի ոլորտում անցկացվող տարվա ամենագլխավոր միջոցառմանը։ 

«Ararat Park Hyatt Moscow» հյուրանոց, ք․ Մոսկվա, ապրիլի 12–13, 2025թ․։ 

Գրանցվելու և հավելյալ տեղեկություն ստանալու համար գրեք Telegram ալիքին։