Հայաստանում սպառողական գները հունվար–նոյեմբերին աճել են 3,3%–ով

ԵՐԵՎԱՆ, 25 դեկտեմբերի․/ԱՌԿԱ/․ Հայաստանում սպառողական գները 2025 թվականի հունվար-նոյեմբերին, նախնական տվյալներով, 2024 թվականի հունվար-նոյեմբերի համեմատ աճել են 3,3%-ով։ Այս մասին են վկայում հանրապետության Վիճակագրական կոմիտեի զեկույցի տվյալները։

Միևնույն ժամանակ, ընթացիկ տարվա նոյեմբերին, նախորդ տարվա նոյեմբերի համեմատ, աճը կազմել է 3,1%, իսկ նույն տարվա հոկտեմբերի համեմատ՝ 0,6%։

Արդյունաբերական ապրանքների գները ընթացիկ տարվա 11 ամիսներին, նախորդ տարվա նույն ժամանակահատվածի համեմատ, աճել են 3,6%-ով։ Նոյեմբերին՝ տարեկան կտրվածքով աճը կազմել է 6,2%, իսկ ամսական կտրվածքով՝ 0,7%։

Վիճակագրական կոմիտեի նախնական տվյալների համաձայն՝ Հայաստանում տնտեսական ակտիվության ցուցանիշը 2025 թվականի հունվար-նոյեմբերին արձանագրել է 8,3% աճ՝ 2024 թվականի հունվար-նոյեմբերի համեմատ։