Էկոնոմիկայի նախարարությունը ներկայացրել է 5 ապրանքախումբ, որոնց 9 ամսվա ընթացքում բաժին է ընկնում արտահանման ավելի քան 67%-ը
ԵՐԵՎԱՆ, 22 նոյեմբերի․/ԱՌԿԱ/․ ՀՀ էկոնոմիկայի նախարարությունը նշել է 2024 թվականի հունվար-սեպտեմբերին Հայաստանի արտահանումը կազմող հինգ հիմնական ապրանքնախմբերը՝ նախորդ տարվա նույն ժամանակահատվածի ցուցանիշների համեմատ։
- Ոսկի անմշակ, կիսամշակ կամ փոշի՝ 4,935,5 մլն ԱՄՆ դոլար (աճել է 13,0 անգամ)
- Ոսկերչական իրեր՝ 775,9 մլն ԱՄՆ դոլար (աճել է 10,3 անգամ)
- Հեռախոսային և հեռագրային ապարատ՝ 509,0 մլն ԱՄՆ դոլար (աճել է 29,6%)
- Ադամանդե քար՝ 456,1 մլն ԱՄՆ դոլար (աճել է 4,3%)
- Պղնձի հանքաքար, խտանյութ՝ 417,4 մլն ԱՄՆ դոլար (աճել է 15,1%)։
«2024 թվականի հունվար-սեպտեմբերին վերը նշված հինգ տեսակի ապրանքները միասին կազմում են ընդհանուր արտահանման 67,4 տոկոսը, մինչդեռ «Ոսկի անմշակ, կիսամշակ կամ փոշի» ապրանքախումբը կազմում է ընդհանուր արտահանման 46,9 տոկոսը»,-ասվում է ՀՀ էկոնոմիկայի նախարարության «Հայաստան. տնտեսական հեռանկարներ. 2024 թվականի հունվար-սեպտեմբեր» զեկույցում։
Գերատեսչությունը նշում է նաև, որ ՀՀ ազգային վիճակագրական կոմիտեի կողմից տնտեսական գործունեության ոլորտների միջև 24 և 32 ծածկագրերով տվյալների վերադասակարգման պատճառով վերանայվել են ոսկու արտահանման և ներմուծման ցուցանիշները։
