Արցախի ՀՆԱ–ն 2019թ.–ի արդյունքում կարող է աճել 9%–ով. Արցախի նախագահ
ԵՐԵՎԱՆ, 24 դեկտեմբերի./ԱՌԿԱ/. Արցախի ՀՆԱ–ն 2019թ.–ի արդյունքում կարող է աճել 9%–ով և հասնել 341 մլրդ դրամի։ Այս մասին նախօրեին ասել է Արցախի նախագահ Բակո Սահակյանը Երևանում կայացած Հայաստանի և Արցախի Անվտանգության խորհուրդների համատեղ նիստի ընթացքում։
«2020 թվականին նախատեսվում է, որ ՀՆԱ-ի ծավալը կգերազանցի 375 լրդ դրամը։ Ընդհանուր առմամբ, տնտեսության հիմնական ճյուղերում պահպանվել են կայուն զարգացման տեմպերը», – նշել է Արցախի նախագահը։
Սահակյանի խոսքով, նախատեսվում է մի շարք մեծածավալ ծրագրերի իրականացնել բնակարանաշինության, գյուղատնտեսության, զբոսաշրջության, ենթակառուցվածքների և մի շարք այլ ոլորտներում:
«Որոշ նախագծեր բավականին հավակնոտ են, բայց հուսով ենք, որ կհաջողվի դրանք կյանքի կոչել: Հարկ եմ համարում ընդգծել, որ Արցախի տնտեսական զարգացման կարևորագույն երաշխավորներից է հանդիսանում Հայաստանի Հանրապետությունը, նրա մշտական և գործուն աջակցությունը», – նշել է Բակո Սահակյանը։
Արցախի ազգային վիճակագրական ծառայության տվյալներով, հանրապետության ՀՆԱ–ի անվանական ցուցանիշը 2018թ.–ի արդյունքում կազմել է մոտ 310 մլրդ դրամ:-0-
