Կառավարությունը հատկացրել է ավելի քան 2,2մլրդ դրամ ՀՀ մարզրում 26 սուբվենցիոն ծրագրերի իրականացման համար
ԵՐԵՎԱՆ, 11 հուլիսի․/ԱՌԿԱ/․ Հայաստանի կառավարությունը հինգշաբթի նիստում 2 մլրդ 228 մլն դրամ է հատկացրել հանրապետության մարզերում սուբվենցիոն ծրագրերի իրականացման համար։
ՀՀ տարածքային կառավարման և ենթակառուցվածքների նախարար Գնել Սանոսյանի խոսքով, միջոցներն ուղղվելու են հանրապետության 20 համայնքներում 26 ծրագրերի ֆինանսավորմանը։
Նախարարի տրամադրած տեղեկատվության համաձայն՝ Արագածոտնի մարզում 2 ծրագրով առաջարկվում է հատկացնել 292 մլն դրամ, Արարատի մարզում՝ 5 ծրագրով՝ 529 մլն դրամ, Արմավիրի մարզում՝ 6 ծրագրով՝ 33մլն դրամ, Գեղարքունիքի մարզում՝ 1 ծրագրով՝ 57մլն դրամ, Լոռու մարզում՝ 5 ծրագրով՝ 488մլն դրամ, Կոտայքի մարզում՝ 2 ծրագրով՝ 187մլն դրամ, Շիրակի մարզում՝ 4 ծրագրով՝ 246մլն դրամ, Տավուշի մարզում՝ 1 ծրագրով՝ 54մլն դրամ։ ($1 - 387.89 դրամ)
