«Պոբեդա» ռուսական լոուքոսթերը կիրականացի Մոսկվա–Գյումրի չվերթերը
21.10.2016,
18:53
«Պոբեդա» ռուսական լոուքոսթերը (ներառված է «Աէրոֆլոտ» խմբում) դեպի Գյումրի չվերթեր իրականացնելու թույլտվություն է ստացել։
ԵՐԵՎԱՆ, 21 հոկտեմբերի. /ԱՌԿԱ/. «Պոբեդա» ռուսական լոուքոսթերը (ներառված է «Աէրոֆլոտ» խմբում) դեպի Գյումրի չվերթեր իրականացնելու թույլտվություն է ստացել, հաղորդում է gazeta.ru–ն` հղում անելով ՌԴ օդային տրանսպորտի դաշնային գործակալությանը։
Գործակալության փաստաթղթերում նշվում է, որ «Պոբեդան» հնարավորություն է ստացել չվերթեր իրականացնել դեպի Գյումրի շաբաթական յոթ անգամ։
«Պոբեդան» պատկանում է «Աէրոֆլոտ» խմբին։ Ընկերության չվերթերն իրականացվում են Boeing-737-800 տիպի 12 ինքնաթիռներով 58 ուղղություններով, այդ թվում` 8 միջազգային ուղղություն։ –0–
