Ադրբեջանական ծագման բենզինը հատում է Հայաստան-Վրաստան սահմանը. Պապոյան
ԵՐԵՎԱՆ, 19 դեկտեմբերի․/ԱՌԿԱ/․Այս րոպեներին Հայաստան-Վրաստան սահմանն է հատում (Այրում կայարան) 1300 տոննա ծավալով 22 վագոն ադրբեջանական ծագման A95 բենզինը, որը Հայաստան է եկել Ադրբեջան-Վրաստան-Հայաստան երկաթգծով։
Այս մասին Facebook-ի իր էջում հայտնել է Էկոնոմիկայի նախարար Գևորգ Պապոյանը։
«Թերևս, սա ոչ միայն Հայաստանի և Ադրբեջանի միջև հաստատված խաղաղությունից հետո, այլև, առհասարակ, անկախությունից հետո Հայաստանի և Ադրբեջանի միջև առաջին առևտրատնտեսական գործարքն է», - գրել է Պապոյանը։
Հիշեցնենք, որ ադրբեջանական ԶԼՄ-երը հայտնել էին, որ նոյեմբերի 28-ին Գաբալայում Ադրբեջանի փոխվարչապետ Շահին Մուստաֆաևի և Հայաստանի փոխվարչապետ Մհեր Գրիգորյանի միջև հանդիպման ժամանակ ձեռք բերված համաձայնության հիման վրա, SOCAR-ի կողմից արտադրված AI-95 բենզինի 22 վագոնը կուղարկվի այսօր։
Նշվել է, որ Ադրբեջանից Հայաստան նավթամթերքի արտահանումը զուտ առևտրային բնույթ ունի, և բենզինը կվաճառվի միջազգային շուկայական գներով։
ՀՀ վարչապետ Նիկոլ Փաշինյանը նախօրեին ողջունել է Ադրբեջանից նավթամթերքի առաջին խմբաքանակի մատակարարումը Հայաստան։
