ՀՀ կառավարությունը 1,8 մլրդ դրամ կհատկացնի մարզերում 15 սուբենցիոն ծրագրերի իրականացման համար
10.07.2025,
14:41
Երեք ծրագիր կֆինանսավորվի Արարատի մարզում, երկուսը՝ Արմավիրում, մեկը՝ Գեղարքունիքում, երեքը՝ Լոռիում, չորսը՝ Կոտայքում և երկու ծրագիր՝ Սյունիքի մարզերում
ԵՐԵՎԱՆ, 10 հուլիսի․/ԱՌԿԱ/․ Կառավարությունն այսօր նիստում հաստատեց 1,8 միլիարդ դրամի հատկացումը՝ մարզերում սուբվենցիոն ծրագրերը ֆինանսավորելու համար։
Ինչպես նշեց ՀՀ տարածքային կառավարման և ենթակառուցվածքների նախարար Դավիթ Խուդաթյանը, նախագծով առաջարկվում է կառավարության կողմից համաֆինանսավորել 15 ծրագիր 11 համայնքներում։
«Երեք ծրագիր կֆինանսավորվի Արարատի մարզում, երկուսը՝ Արմավիրում, մեկը՝ Գեղարքունիքում, երեքը՝ Լոռիում, չորսը՝ Կոտայքում և երկու ծրագիր՝ Սյունիքի մարզերում», - նշեց Խուդաթյանը։
Նա հավելեց, որ պետության մասնաբաժինը 2025 թվականի սուբսիդավորման ծրագրերում համաֆինանսավորման մեջ արդեն հասնում է 9.4 միլիարդ դրամի։ ($1 - 383.82 դրամ)։
