ԼՂՀ նախագահը ծանոթացել է Մատաղիսի ձկնաբուծական տնտեսության աշխատանքին
29.06.2015,
21:26
Արցախի Հանրապետության նախագահ Բակո Սահակյանն այցելել է Մարտակերտի շրջանի Մատաղիս և Թալիշ գյուղեր, հայտնում է ԼՂՀ նախագահի աշխատակազմի տեղեկատվության գլխավոր վարչությունը։
ՍՏԵՓԱՆԱԿԵՐՏ, 29 հունիսի. /ԱՌԿԱ/. Արցախի Հանրապետության նախագահ Բակո Սահակյանն այցելել է Մարտակերտի շրջանի Մատաղիս և Թալիշ գյուղեր, հայտնում է ԼՂՀ նախագահի աշխատակազմի տեղեկատվության գլխավոր վարչությունը։
Երկրի ղեկավարը Մատաղիս գյուղում ծանոթացել է գործող ձկնաբուծարանի աշխատանքներին:
Բակո Սահակյանը տնտեսության համար այս նոր ուղղությունը համարել է խոստումնալից` կարեւորելով տեղերում նմանատիպ ծրագրերի կիրառումը:
Այնուհետև նախագահը ծանոթացել է Մարտակերտի շրջանի այդ հատվածներում իրականացվող գյուղատնտեսական աշխատանքներին և Թալիշ գյուղի մերձակա տարածքներում գործող անձրևային ոռոգման համակարգին:
Բակո Սահակյանն ընդգծել է, որ ժամանակակից տեխնոլոգիաների կիրառումը գյուղատնտեսության մեջ պահանջված է ու նոր որակ է հաղորդում և բերքատվության բարձրացմանը, և գյուղատնտեսական մշակույթի զարգացմանը:
Նախագահ Սահակյանը հանդիպում է ունեցել Թալիշ համայնքի ներկայացուցիչների հետ և քննարկել գյուղում առկա խնդիրները:
Նախագահն ընդգծել է, որ պետությունն այսուհետ ևս հատուկ ուշադրություն է դարձնելու սահմանամերձ բնակավայրերի զարգացմանը` այն կարևորելով քաղաքական և տնտեսական տեսանկյուններից:
Այցի ընթացքում նախագահին ուղեկցում էին վարչապետ Արա Հարությունյանը, պաշտոնատար այլ անձինք: -0-
Երկրի ղեկավարը Մատաղիս գյուղում ծանոթացել է գործող ձկնաբուծարանի աշխատանքներին:
Բակո Սահակյանը տնտեսության համար այս նոր ուղղությունը համարել է խոստումնալից` կարեւորելով տեղերում նմանատիպ ծրագրերի կիրառումը:
Այնուհետև նախագահը ծանոթացել է Մարտակերտի շրջանի այդ հատվածներում իրականացվող գյուղատնտեսական աշխատանքներին և Թալիշ գյուղի մերձակա տարածքներում գործող անձրևային ոռոգման համակարգին:
Բակո Սահակյանն ընդգծել է, որ ժամանակակից տեխնոլոգիաների կիրառումը գյուղատնտեսության մեջ պահանջված է ու նոր որակ է հաղորդում և բերքատվության բարձրացմանը, և գյուղատնտեսական մշակույթի զարգացմանը:
Նախագահ Սահակյանը հանդիպում է ունեցել Թալիշ համայնքի ներկայացուցիչների հետ և քննարկել գյուղում առկա խնդիրները:
Նախագահն ընդգծել է, որ պետությունն այսուհետ ևս հատուկ ուշադրություն է դարձնելու սահմանամերձ բնակավայրերի զարգացմանը` այն կարևորելով քաղաքական և տնտեսական տեսանկյուններից:
Այցի ընթացքում նախագահին ուղեկցում էին վարչապետ Արա Հարությունյանը, պաշտոնատար այլ անձինք: -0-
