Հայաստանում պետք է հասկանան. Պոդգուզովը՝ ԵԱԶԲ-ի՝ Ամուլսարի ոսկու հանքի նախագծի վերաբերյալ դիրքորոշման մասին
ԵՐԵՎԱՆ, 5 դեկտեմբերի․/ԱՌԿԱ/. ԵԱԶԲ խորհրդի նախագահ Նիկոլայ Պոդգուզովը մեկնաբանել է բանկի դիրքորոշումը Հայաստանում Ամուլսարի ոսկու հանքի ծրագրի իրականացման վերաբերյալ։
«Մենք քննարկել ենք այս նախագիծը և պատրաստ էինք աշխատել դրա վրա, բայց այս պահին նախագծի ֆինանսավորման հայտը հետ է կանչվել։ Մենք դրա ուղղությամբ չենք աշխատում։ Եթե կարգավիճակը փոխվի, մենք նույնպես պատրաստ կլինենք միանալ դրան»,-ասել է Պոդգուզովը ամփոփիչ մամուլի ասուլիսի ժամանակ։
Նրա խոսքով՝ Հայաստանում պետք է կարգավորեն նախագծի հարցը, մասնավորապես, բնապահպանական գնահատումների միջոցով։
«Հենց հստակություն հայտնվի, բանկը նույնպես կորոշի»,- վստահեցրեց Պոդգուզովը:
Ավելի վաղ ՀՀ էկոնոմիկայի նախարար Գևորգ Պապոյանը հայտարարել էր, որ Ամուլսարի ոսկու հանքավայրում արդյունահանումը կարող է սկսվել 2025 թվականի վերջին։
