Հայաստանը պատրաստ է ջանքեր գործադրել ԵԱՏՄ պարենային անվտանգության ապահովման համար․ փոխվարչապետ
ԵՐԵՎԱՆ, 4 հունիսի․/ԱՌԿԱ/․ Հայաստանը պատրաստ է գործադրել բոլոր ջանքերը՝ ԵԱՏՄ պարենային անվտանգության ապահովման բոլոր ուղղությունները կյանքի կոչելու համար։ Այս մասին հայտարարել է ՀՀ փոխվարչապետ Մհեր Գրիգորյանը Մինսկում կայացած «ԵԱՏՄ պարենային անվտանգություն» լիագումար նիստում։
«ԵԱՏՄ անդամ պետությունների համակարգված ջանքերն ու համատեղ աշխատանքը թույլ կտան հասնել կայուն պարենային անվտանգության և ապահովել մեր քաղաքացիների բարեկեցությունը։ Ուզում եմ հաստատել հայկական կողմի պատրաստակամությունը՝ գործադրելու բոլոր անհրաժեշտ ջանքերը ԵԱՏՄ պարենային անվտանգության ապահոովման հիմնական ուղղությունների իրականացման համար»,- ասել է նա, հաղորդում է ՏԱՍՍ-ը։
Գրիգորյանի խոսքով, պարենային անվտանգության խնդիրը ԵԱՏՄ մարմիններում Հայաստանի նախագահության գլխավոր առաջնահերթություններից է։
