S&P-ի կողմից Հայաստանի վարկանիշի բարձրացումը պայմանավորված է ուժեղ ցուցանիշներով. ԵԱԶԲ

ԵՐԵՎԱՆ, 4 սեպտեմբերի./ԱՌԿԱ/. S&P-ի կողմից Հայաստանի վարկանիշի բարձրացումը պայմանավորված է ուժեղ տնտեսական, ֆիսկալ և արտաքին ցուցանիշներով, ասվում է Եվրասիական զարգացման բանկի (ԵԱԶԲ) գլխավոր տնտեսագետ Եվգենի Վինոկուրովի խմբի ամենշաբաթյա մակրո-ամփոփագրում։

Standard & Poor’s միջազգային վարկանիշային կազմակերպությունը օգոստոսի 25-ին բարձրացրել է Հայաստանի սուվերեն վարկանիշը «BB-» նախկին «B+»-ի փոխարեն` վարկանիշի հեռանկարը սահմանելով կայուն: Հայաստանի փոխանցման և փոխարկելիության գնահատականը նույնպես վերանայվել է «BB-»-ից «BB»-ի:

Գործակալության վերլուծաբանները նշում են, որ կայուն կանխատեսումը հավասարակշռում է Հայաստանի տնտեսական աճի ուժեղ հեռանկարները և ֆինանսական հավասարակշռության բարելավումը` չափավոր թույլ արտաքին դիրքով և բարձր աշխարհաքաղաքական ռիսկերով:-0-