ԱՄՆ–ի բյուջեի պակասուրդը հինգ տարվա ընթացքում առաջին անգամ 1 տրլն դոլարից ցածր մակարդակում է
31.10.2013,
10:48
Հինգ տարվա ընթացքում առաջին անգամ ԱՄՆ–ի բյուջեի պակասուրդը 2013թ.–ին չի գերազանցել 1 տրլն դոլարը։ Անցյալ տարվա ցուցանիշի համեմատ այն կազմել է 409 մլրդ դոլար, վկայում են ԱՄՆ ֆինանսների նախարարության տվյալները։
ԵՐԵՎԱՆ, 31 հոկտեմբերի. /ԱՌԿԱ/. Հինգ տարվա ընթացքում առաջին անգամ ԱՄՆ–ի բյուջեի պակասուրդը 2013թ.–ին չի գերազանցել 1 տրլն դոլարը։ Անցյալ տարվա ցուցանիշի համեմատ այն կազմել է 409 մլրդ դոլար, վկայում են ԱՄՆ ֆինանսների նախարարության տվյալները։
Ընթացիկ ֆինանսական տարում ամերիկյան գանձարանների ծախսերը 680 մլրդ դոլարով գերազանցել են եկամուտները, ինչը 293 մլրդ դոլարով պակաս է` ապրիլի կանխատեսումից։ Ներկա պահին ԱՄՆ բյուջետային պակասուրդը կազմում է ամերիկյան ՀՆԱ–ի 4,1 տոկոս` կրկնակի պակաս 2009թ.–ի ցուցանիշից, երբ նախագահ Բարաք Օբաման նոր էր զբաղեցրել պաշտոնը, հաղորդում է РБК–ն։
Բ. Օբամայի ներկայացրած բյուջեի նախագծում ներդրումային ծրագիր է նախատեսված, որն ուղղված է միջին խավի ամրապնդմանը, նոր աշխատատեղերի ստեղծմանը և պակասուրդի հավասարակշռված կրճատման միտումների պահպանմանն առընթեր տնտեսական աճին ազդակ հաղորդելուն։ Այդ ծրագրով նախատեսվում է կառուցվածքային բարեփոխումներ կատարել ամերիկյան տնտեսության մեջ և զգալի ներդրումներ կատարել կրթության, ենթակառուցվածքների, գիտական հետազոտությունների և մշակման ոլորտում, ինչպես նաև` ազգային անվտանգության համակարգում։
Նշենք, որ սկսած 2001թ.–ից` Միացյալ Նահանգները պակասուրդով է փակում յուրաքանչյուր ֆինանսական տարին։ Ամերիկյան բյուջեի «անցքը» հատկապես կտրուկ աճեց 2009թ.–ին, երբ ճգնաժամից հետո կտրուկ ավելացավ գործազրկությունը, ինչի հետևանքով ավելացան սոցիալական վճարումները։ –0–
Ընթացիկ ֆինանսական տարում ամերիկյան գանձարանների ծախսերը 680 մլրդ դոլարով գերազանցել են եկամուտները, ինչը 293 մլրդ դոլարով պակաս է` ապրիլի կանխատեսումից։ Ներկա պահին ԱՄՆ բյուջետային պակասուրդը կազմում է ամերիկյան ՀՆԱ–ի 4,1 տոկոս` կրկնակի պակաս 2009թ.–ի ցուցանիշից, երբ նախագահ Բարաք Օբաման նոր էր զբաղեցրել պաշտոնը, հաղորդում է РБК–ն։
Բ. Օբամայի ներկայացրած բյուջեի նախագծում ներդրումային ծրագիր է նախատեսված, որն ուղղված է միջին խավի ամրապնդմանը, նոր աշխատատեղերի ստեղծմանը և պակասուրդի հավասարակշռված կրճատման միտումների պահպանմանն առընթեր տնտեսական աճին ազդակ հաղորդելուն։ Այդ ծրագրով նախատեսվում է կառուցվածքային բարեփոխումներ կատարել ամերիկյան տնտեսության մեջ և զգալի ներդրումներ կատարել կրթության, ենթակառուցվածքների, գիտական հետազոտությունների և մշակման ոլորտում, ինչպես նաև` ազգային անվտանգության համակարգում։
Նշենք, որ սկսած 2001թ.–ից` Միացյալ Նահանգները պակասուրդով է փակում յուրաքանչյուր ֆինանսական տարին։ Ամերիկյան բյուջեի «անցքը» հատկապես կտրուկ աճեց 2009թ.–ին, երբ ճգնաժամից հետո կտրուկ ավելացավ գործազրկությունը, ինչի հետևանքով ավելացան սոցիալական վճարումները։ –0–
