Շրի Լանկայում տուժածների շրջանում ՀՀ քաղաքացիներ կամ ազգությամբ հայեր չկան. ԱԳՆ
ԵՐԵՎԱՆ, 22 ապրիլի. /ԱՌԿԱ/. Շրի Լանկայում տեղի ունեցած պայթյունների հետևանքով տուժածների շրջանում ՀՀ քաղաքացիներ կամ ազգությամբ հայեր չկան, հայտնում է ՀՀ ԱԳՆ մամուլի ծառայությունը:
Կիրակի օրը Շրի Լանկայի տարածքում մի շարք պայթյուններ են որոտացել եկեղեցիներում Սուրբ Հարության ծառայությունների ժամանակ, հյուրանոցներում, ինչպես նաև մայրաքաղաքի կենդանաբանական այգու և Դեմատագոդա շրջանում։ Որոտացած մի շարք պայթյունների հետևանքով զոհերի թիվը հասել է 290–ի, վիրավորների թիվը կազմում է մոտ 500։
«Ըստ Հնդկաստանում ՀՀ դեսպանության նախնական տվյալների՝ Շրի Լանկայում տեղի ունեցած պայթյունների հետևանքով տուժածների շրջանում ՀՀ քաղաքացիներ կամ ազգությամբ հայեր չկան։ Զարգացումների վերաբերյալ դեսպանությունը կհայտնի հավելյալ», - նշվում է ՀՀ ԱԳՆ Facebook-յան էջում:-0-
