ԱՄՆ–ում գործազրկության նպաստների վճարման առաջնահերթ պահանջները մայիսի 2–ից մինչև հունիսի 8–ը նվազել են` մինչև 334 հազար

ԵՐԵՎԱՆ, 13 հունիսի. /ԱՌԿԱ/. ԱՄՆ–ում 2013թ.–ի հունիսի 8–ին ավարտված շաբաթվա ընթացքում գործազրկության նպաստների վճարման առաջնահերթ պահանջները նվազել են` մինչև 334 հազար։ Ինչպես հաղորդում է РБК–ն, այդ տվյալները մեջբերվում են ԱՄՆ աշխատանքի նախարարության զեկույցում։

Վերլուծաբանները այդ ցուցանիշի նշանակությունը կանխատեսել էին 345 հազար պահանջ մակարդակում։

2013թ.–ի հունիսի 1–ին ավարտված շաբաթվա ընթացքում  գործազրկության նպաստների վճարման առաջնահերթ պահանջների քանակը կազմել է 346 հազար, ինչպես տեղեկացվում էր նախկինում։

ԱՄՆ–ում գործազրկության նպաստների վճարման առաջնահերթ պահանջների միջին քանակը չորս շաբաթվա ընթացքում (մինչև 2013թ.–ի հուիսի8–ը) կազմել է 345 հազար 250, որը 7 հազար 250 պահանջով պակաս է նախորդ չորսշաբաթյա ժամանակահատվածի ցուցանիշից (352 հազար 500 հայտ)։ –0–