Վորոնեժի մարզում հայկական համարանիշով միկրոավտոբուս է վթարվել, վարորդը մահացել է, կան տուժածներ
24.01.2019,
11:56
ՃՏՊ Վորոնեժի մարզում` հայկական համարանիշով միկրոավտոբուսի մասնակցությամբ. վարորդը մահացել է։
ԵՐԵՎԱՆ, 24 հունվարի./ԱՌԿԱ/. Այսօր վաղ առավոտյան տեղի է ունեցել ավտովթար Ռուսաստանի Վորոնեժի մարզում։
Ինչպես հայտնում է ՌԴ–ում ՀՀ դեսպանությունը, հունվարի 24-ի վաղ առավոտյան Մ-4 «Դոն» մայրուղու 699 կմ-ին՝ ՌԴ Վորոնեժի մարզում, տեղի է ունեցել ավտովթար՝ ՀՀ պետհամարանիշով միկրոավտոբուսի մասնակցությամբ։
«Իրար են բախվել «Mercedes» մակնիշի միկրոավտոբուսն ու «Setra» մակնիշի ավտոբուսը։ Վթարի հետևանքով զոհվել է միկրոավտոբուսի վարորդը։ Չորս ուղևոր տեղափոխվել է հիվանդանոց», – նշվում է դեսպանատան հաղորդագրության մեջ։
ՌԴ-ում ՀՀ դեսպանությունը ճշտում է վթարի հետևանքով զոհվածի և տուժածների քաղաքացիությունն ու վթարի մանրամասները։–0–
