ԱԳՆ–ն սգում է Անկարայի պայթյունի զոհերի համար. Տիգրան Բալայան
ԵՐԵՎԱՆ, 14 մարտի. /ԱՌԿԱ/. Հայաստանի արտաքին գործերի նախարարությունը ցավակցություն է հայտնել Թուրքիայի մայրաքաղաք Անկարայում գրանցված պայթյունի կապակցությամբ: Այս մասին ՀՀ արտգործնախարարության մամուլի քարտուղար Տիգրան Բալայանը գրառում է կատարել Twitter-ի միկրոբլոգում:
«Մենք սգում ենք Անկարայի պայթյունի զոհերի համար: Մեր ցավակցությունները զոհերի ընտանիքներին»,- ասվում է գրառման մեջ:
Թուրքիայի մայրաքաղաքում գրանցված պայթյունի հետևանքով զոհերի թիվը հասել է 34–ի, 125 մարդ վիրավորվել է։ Պայթյունը որոտացել է կիրակի Կիզիլայ շրջանում գտնվող այգու մոտակայքում։
Ոստիկանության տվյալներով` մեքենան բախվել է կանգառում կայանած ավտոբուսին, ինչից հետո պայթել է։ Պայթյունն այնքան հզոր է եղել, որ այրվել են մոտակայքում գտնվող մի քանի մեքենաներ, վնասվել են մոտակա շենքերը։ –0–
