Մեկ բանվոր է տուժել Երևանում սննդի քոլեջի տարածքում տեղի ունեցած պայթյունից
11.10.2013,
12:24
Ուրբաթ առավոտյան Երևանի հայ–հունական սննդի քոլեջի տարածքում տեղի ունեցած պայթյունի հետևանքով որոշ վնասվածքներ է ստացել նորոգման աշխատանքներ կատարող բանվորը, հայտնում է «Նովոստի–Արմենիա» գործակալության թղթակիցը։
ԵՐԵՎԱՆ, 11 հոկտեմբերի. /ԱՌԿԱ/. Ուրբաթ առավոտյան Երևանի հայ–հունական սննդի քոլեջի տարածքում տեղի ունեցած պայթյունի հետևանքով որոշ վնասվածքներ է ստացել նորոգման աշխատանքներ կատարող բանվորը, հայտնում է «Նովոստի–Արմենիա» գործակալության թղթակիցը։
«Ժամը 9։25–ին ԱԻՆ–ում ահազանգ է ստացվել, որ Երևանի Արշակունյաց 40 հասցեում գտնվող հայ–հունական պետական սննդային քոլեջի տարածքում պայթյուն է տեղի ունեցել, որից հետո դեպքի վայր է մեկնել երկու մարտական հաշվարկներ»,– ասաց Երևանի հրշեջ–փրկարար թիվ երկու ջոկատի պետ, փոխգնդապետ Խաչիկ Շահբազյանը։
Նա հայտնեց նաև, որ պայթյունի արդյունքում քոլեջի շենքում և հարակից տներում կոտրվել են ապակիները։
Շահբազյանի խոսքով` հրշեջների ժամանումից հետո տարածքի զննությամբ պարզվել է, որ պայթյունը որոտացել է քոլեջի բակում առայժմ չպարզված պատճառներով։
«Հրշեջ–փրկարարները մաքրել են տարածքն ապակիների բեկորներից»,– ասաց նա` ընդգծելով, որ պայթյունի պատճառը կպարզվի փորձաքննությունից հետո։
Քոլեջի տնօրեն Արթուր Վարդանյանն իր հերթին ենթադրում է, որ պայթյունը տեղի է ունեցել այն պատճառով, որ նորոգման աշխատանքներ իրականացնող բանվորն այրման ենթակա աղբի մեջ է նետել լուծիչի դատարկ տարա, որը կարող էր պայթել։
«Քանի որ պայթյունը տեղի է ունեցել պարապմունքների ժամանակ, բակում քերծվածքներ ստացած բանվորից բացի ոչ ոք չի եղել, և տուժածներ չկան»,– ասսց նա` պատասխանելով «Նովոստի–Արմենիա» գործակալության հարցին։
Տարածքում աշխատում են ոստիկանության և ԱԻՆ աշխատակիցներ։ -0-
«Ժամը 9։25–ին ԱԻՆ–ում ահազանգ է ստացվել, որ Երևանի Արշակունյաց 40 հասցեում գտնվող հայ–հունական պետական սննդային քոլեջի տարածքում պայթյուն է տեղի ունեցել, որից հետո դեպքի վայր է մեկնել երկու մարտական հաշվարկներ»,– ասաց Երևանի հրշեջ–փրկարար թիվ երկու ջոկատի պետ, փոխգնդապետ Խաչիկ Շահբազյանը։
Նա հայտնեց նաև, որ պայթյունի արդյունքում քոլեջի շենքում և հարակից տներում կոտրվել են ապակիները։
Շահբազյանի խոսքով` հրշեջների ժամանումից հետո տարածքի զննությամբ պարզվել է, որ պայթյունը որոտացել է քոլեջի բակում առայժմ չպարզված պատճառներով։
«Հրշեջ–փրկարարները մաքրել են տարածքն ապակիների բեկորներից»,– ասաց նա` ընդգծելով, որ պայթյունի պատճառը կպարզվի փորձաքննությունից հետո։
Քոլեջի տնօրեն Արթուր Վարդանյանն իր հերթին ենթադրում է, որ պայթյունը տեղի է ունեցել այն պատճառով, որ նորոգման աշխատանքներ իրականացնող բանվորն այրման ենթակա աղբի մեջ է նետել լուծիչի դատարկ տարա, որը կարող էր պայթել։
«Քանի որ պայթյունը տեղի է ունեցել պարապմունքների ժամանակ, բակում քերծվածքներ ստացած բանվորից բացի ոչ ոք չի եղել, և տուժածներ չկան»,– ասսց նա` պատասխանելով «Նովոստի–Արմենիա» գործակալության հարցին։
Տարածքում աշխատում են ոստիկանության և ԱԻՆ աշխատակիցներ։ -0-
