Գեղարքունիքի Զոլաքար գյուղում փլուզվել է տներից մեկի բակում գտնվող կարտոֆիլի հորը․ մեկ մարդ մահացել է

ԵՐԵՎԱՆ, 13 մայիսի․ /ԱՌԿԱ/․ Մայիսի 12-ին, ժամը 15։28-ին Ճգնաժամային կառավարման ազգային կենտրոն տեղեկություն է ստացվել, որ Գեղարքունիքի մարզի Զոլաքար գյուղում կարտոֆիլի հոր է փլուզվել, կան տուժածներ։ Այս մասին հայտնում է ԱԻՆ մամուլի ծառայությունը։

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ փլուզվել է Զոլաքար գյուղի 7-րդ փողոցի տներից մեկի բակում գտնվող կարտոֆիլի հորը (մոտ 6 քմ մակերեսով և 2․5 մ խորությամբ)․ Ավետիք Շ․-ն (ծնված 1981 թ․), Նորիկ Շ․-ն (ծնված 1991 թ․), Անի Ա․-ն և Նվեր Շ․-ն (ծնված 1968 թ․) գտնվել են հորում։

«Մինչ փրկարարների՝ կանչի վայր հասնելը տուժածները տեղի ուժերով դուրս են բերվել հորից․ Նվեր Շ․-ն մահացել է»,- ասվում է հաղորդագրության մեջ։-0-