Ճապոնիայի «Ֆուկուսիմա–1» ԱԷԿ–ի մոտակայքում երկրաշարժ է տեղի ունեցել
15.08.2016,
11:50
5.5 մագնիտուդով երկրաշարժ է տեղի ունեցել երկուշաբթի Ճապոնիայի հյուսիս–արևելքում։
ԵՐԵՎԱՆ, 15 օգոստոսի. /ԱՌԿԱ/. 5.5 մագնիտուդով երկրաշարժ է տեղի ունեցել երկուշաբթի Ճապոնիայի հյուսիս–արևելքում։
Երկրի ազգային օդերևութաբանական վարչության տվյալներով, երկրաշարժի էպիկենտրոնը գտնվում է Ֆուկուսիմա շրջանում, օջախը 40 կմ խորության վրա է։
Տուժածների և ավերածությունների վերաբերյալ տեղեկություն չի հաղորդվել, երկրի օդերևութաբանական գործակալությունը ցունամիի վտանգ է հայտարարել, բայց մի քանի րոպե հետո հանել է նախազգուշացումը, հայտնում է ՏԱՍՍ–ը։
Ստորերկրյա ցնցումները զգացվել են Ճապոնիայի հյուսիս–արևելյան հատվածում, ներառյալ Միյագի, Իվատե և Ֆուկուսիմա շրջանները։
«Ֆուկուսիմա» ԱԷԿ–ում արտակարգ իրավիճակների մասին որևէ տեղեկություն չի ստացվել։ -0-
