Կարկուտը վնասել է Արագածոտնի մարզի մի շարք գյուղերի ցանքատարածքները

ԵՐԵՎԱՆ, 18 հունիսի. /ԱՌԿԱ/. Հունիսի 17-ին, ժամը 18.46-ին ՀՀ ԱԻՆ–ը տեղեկություն է ստացել, որ ժամը 18.30-ի սահմաններում Արագածոտնի մարզի Բյուրական, Տեղեր, Անտառուտ և Օրգով գյուղերում տեղացած ուժեղ կարկուտի հետևանքով վնասվել են գյուղատնտեսական նշանակության ցանքատարածքները:

Գյուղերի տարածքները «ՄԵՎԱՆԾ» ՊՈԱԿ-ի կողմից չեն վերահսկվում:

ԱԻՆ–ից հայտնում են, որ կստեղծվի հանձնաժողով հասցված վնասի չափերը պարզելու և գնահատելու համար:-0-