Լուսադեմին Մարտունու շրջանի մի շարք գյուղեր հայտնվել են Ադրբեջանի թիրախում․ կիրառվում են սմերչ տեսակի հրթիռներ․ Արցախի ԱԻ ՊԾ
ԵՐԵՎԱՆ, 23 հոկտեմբերի․/Նովոստի-Արմենիա/․ Հոկտեմբերի 22-ի լույս 23-ի գիշերն անհանգիստ է եղել Մարտակերտում և Մարտունու շրջանում, հաղորդում է Արցախի Հանրապետության Արտակարգ Իավիճակների պետական ծառայությունը։
Մարտակերտ քաղաքի հրետակոծության հետևանքով Ա.Սախարով 7 հասցեում բազմաբնակարան շենքի 2 տուն է հրդեհվել։ Մարտակերտի շրջանային արտակարգ իրավիճակների բաժնի հրշեջ փրկարարներին հաջողվել է արագ մարել կրակը, որպեսզի այլ բնակարաններում ևս հրդեհ չբռնկվի։
Նշվում է, որ նախնական տվյալներով թշնամին այս ուղղությամբ կրակ է բացել գրադ կանքից։
Մարդկային կորուստներ չկան։
ԱԻ ՊԾ հաղորդմամբ, լուսադեմին Մարտունու շրջանի Կարմիր Շուկա և Թաղավարդ գյուղերն են հայտնվել Ադրբեջանի թիրախում։ Այստեղ կիրառվում է սմերչ տեսակի հրթիռներ։
«Այս պահին ևս Մարտունու շրջանի մի շարք գյուղեր, այդ թվում` Կ.Շուկան, հրթիռակոծվում են սմերչով»,- նշվում է հաղորդագրության մեջ։ -0-
