Նաիրիտում հրդեհի 3 օջախներում կրակն ամբողջությամբ մարված է, մնացել է մեկ օջախ
29.08.2017,
11:17
«Նաիրիտ» գործարանի տարածքում հրդեհաշիջման աշխատանքները շարունակվել են ամբողջ գիշեր:
ԵՐԵՎԱՆ, 29 օգոստոսի. /ԱՌԿԱ/. «Նաիրիտ» գործարանի տարածքում հրդեհաշիջման աշխատանքները շարունակվել են ամբողջ գիշեր:
Ինչպես հայտնում է ԱԻՆ մամուլի ծառայությունը, երեքշաբթի առավոտյան ժամը 09.00-ի դրությամբ էթինոլի 4 երկաթբետոնե տարաներից 3-ում կրակը մարված է, հրդեհի փոքր օջախ է մնացել միայն մի տարայում:
Դեպքի վայրում հրդեհաշիջման աշխատանքներ է իրականացնում 7 մարտական հաշվարկ:
Ավելիր վաղ Հայաստանի առողջապահության և բնապահպանության նախարարությունները հանդես էին եկել համատեղ հայտարարությամբ` «Նաիրիտում» հրդեհի հետևանքների կապակցությամբ։
Ըստ հայտարարության, օդի աղտոտվածության մակարդակը մարդու առողջության համար վտանգավոր չէ։ -0-
