Սոթք գյուղից 7 կմ հյուսիս երկրաշարժ է տեղի ունեցել․ այն զգացվել է Գեղարքունիքի մարզի Վարդենիս քաղաքում
27.11.2020,
11:06
Երկրաշարժ է տեղի ունեցել Սոթք գյուղից 7 կմ հյուսիս
ԵՐԵՎԱՆ, 27 նոյեմբերի․ /ԱՌԿԱ/․ Երկրաշարժ է տեղի ունեցել Սոթք գյուղից 7 կմ հյուսիս։ Այս մասին հայտնում է ՀՀ ԱԻՆ մամուլի ծառայությունը։
Նշվում է, որ նոյեմբերի 27-ին, տեղական ժամանակով ժամը 02:49-ին (Գրինվիչի ժամանակով` նոյեմբերի 26-ին, ժամը 22։49-ին) ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 40.27⁰ և արևելյան երկայնության 45.85⁰ աշխարհագրական կոորդինատներով` Հայաստան, Սոթք գյուղից 7 կմ հյուսիս, օջախի 10 կմ խորությամբ, 2.9 մագնիտուդով երկրաշարժ:
«Էպիկենտրոնային գոտում ստորգետնյա ցնցման ուժգնությունը կազմել է 4 բալ:
Երկրաշարժը զգացվել է Գեղարքունիքի մարզի Վարդենիս քաղաքում՝ 3 բալ ուժգնությամբ»,- ասվում է հաղորդագրության մեջ:-0-
