Հայաստանում չկա տնտեսական դիվանագիտություն. փորձագետ
28.02.2023,
11:37
Մարտիրոսյանն ընդգծեց, որ տնտեսական դիվանագիտության հիմքում պետք է դնել կլիմայական դիվանագիտությունը
ԵՐԵՎԱՆ, 28 փետրվարի./ԱՌԿԱ/. Հայաստանի կառավարության ծրագրում գրեթե ոչինչ չկա տնտեսական դիվանագիտության մասին, կարծում է «Avenue Consulting Group» կոնսալտինգային ընկերության հիմնադրիր Կարեն Մարտիրոսյանը։
«Մենք շատ ենք խոսում վերջերս ու անընդհատ հորդորում ենք կառավարությանը, տարբեր պետական մարմիններին, ԱԺ–ին, որ պետք է հավաքվել և որոշում կայացնել ստեղծելու տնտեսական դիվանագիտության ինստիտուցիոնալ շրջանակ, որը թույլ կտա համահունչ գործել արտաքին տնտեսական հարաբերություններում պետական և մասնավոր բոլոր մարմիններում», – ասաց Մարտիրոսյանը «ԱՌԿԱ» գործակալության YouTube–յան ալիքով հեռարձակվող “ARKA Business” հաղորդաշարի ընթացքում։
Նա հայտարարեց, որ հիմա նման բան չունենք, և տնտեսական դիվանագիտության մասին կառավարության ծրագրում մեկ–երկու տող կա։
«Եթե դրվագային նայենք, առանձին բաներ կան, բայց մի մարմին, որ ինքն աշխատի, բոլորը համակարգված աշխատեն...», – ասաց գործարարը։
Մարտիրոսյանը նշեց, որ դրական կողմերից մեկը կլինի այն, որ կձևավորվի ինստիտուցիոնալ հիշողություն, որը շատ կարևոր է երկարաժամկետ աճի համար և հնարավորություն կտա կապիտալացնել հետագա աճը։
«Դա հնարավորություն կտա արդյունավետ ծախսել ռեսուրսները։ Երբ պետական տարբեր մարմինները համահունչ են շարժվում իրենց գործողություններում, դա ռեսուրսների ավելի արդյունավետ ծախս է ենթադրում։ Բացի այդ, տնտեսական դիվանագիտությունն այն փափուկ գործիքն է, որը կարելի է կիրառել քաղաքական դիվանագիտության մեջ։ Եվ դրանց համադրության միջոցով դու կարող ես խնդիրներ լուծել», – ասաց նա։
Մարտիրոսյանն ընդգծեց, որ տնտեսական դիվանագիտության հիմքում պետք է դնել կլիմայական դիվանագիտությունը։
«Այսօր աշխարհում, բացի այն իրավիճակից, որն այսօր տիրում է աշխարհաքաղաքական միջավայրում, գլխավոր խնդիրը կլիմայի փոփոխությունն է։ Ու մենք, լինելով փոքր երկիր, ի վիճակի ենք մեզ դիրքավորել այնպես, որպեսզի ցույց տանք, որ մենք կարող ենք լինել առաջատար այդ հարցում», – ասաց Մարտիրոսյանը։
Նրա խոսքով, դա կօգնի ներգրավել կանաչ, տեխնոլոգիական, գիտատար ներդրումներ։
Հարցազրույցի ամբողջական տարբերակը կթողարկվի «ԱՌԿԱ» գործակալության YouTube–յանալիքում այսօր ժամը 21։00–ին։–0–
«Մենք շատ ենք խոսում վերջերս ու անընդհատ հորդորում ենք կառավարությանը, տարբեր պետական մարմիններին, ԱԺ–ին, որ պետք է հավաքվել և որոշում կայացնել ստեղծելու տնտեսական դիվանագիտության ինստիտուցիոնալ շրջանակ, որը թույլ կտա համահունչ գործել արտաքին տնտեսական հարաբերություններում պետական և մասնավոր բոլոր մարմիններում», – ասաց Մարտիրոսյանը «ԱՌԿԱ» գործակալության YouTube–յան ալիքով հեռարձակվող “ARKA Business” հաղորդաշարի ընթացքում։
Նա հայտարարեց, որ հիմա նման բան չունենք, և տնտեսական դիվանագիտության մասին կառավարության ծրագրում մեկ–երկու տող կա։
«Եթե դրվագային նայենք, առանձին բաներ կան, բայց մի մարմին, որ ինքն աշխատի, բոլորը համակարգված աշխատեն...», – ասաց գործարարը։
Մարտիրոսյանը նշեց, որ դրական կողմերից մեկը կլինի այն, որ կձևավորվի ինստիտուցիոնալ հիշողություն, որը շատ կարևոր է երկարաժամկետ աճի համար և հնարավորություն կտա կապիտալացնել հետագա աճը։
«Դա հնարավորություն կտա արդյունավետ ծախսել ռեսուրսները։ Երբ պետական տարբեր մարմինները համահունչ են շարժվում իրենց գործողություններում, դա ռեսուրսների ավելի արդյունավետ ծախս է ենթադրում։ Բացի այդ, տնտեսական դիվանագիտությունն այն փափուկ գործիքն է, որը կարելի է կիրառել քաղաքական դիվանագիտության մեջ։ Եվ դրանց համադրության միջոցով դու կարող ես խնդիրներ լուծել», – ասաց նա։
Մարտիրոսյանն ընդգծեց, որ տնտեսական դիվանագիտության հիմքում պետք է դնել կլիմայական դիվանագիտությունը։
«Այսօր աշխարհում, բացի այն իրավիճակից, որն այսօր տիրում է աշխարհաքաղաքական միջավայրում, գլխավոր խնդիրը կլիմայի փոփոխությունն է։ Ու մենք, լինելով փոքր երկիր, ի վիճակի ենք մեզ դիրքավորել այնպես, որպեսզի ցույց տանք, որ մենք կարող ենք լինել առաջատար այդ հարցում», – ասաց Մարտիրոսյանը։
Նրա խոսքով, դա կօգնի ներգրավել կանաչ, տեխնոլոգիական, գիտատար ներդրումներ։
Հարցազրույցի ամբողջական տարբերակը կթողարկվի «ԱՌԿԱ» գործակալության YouTube–յանալիքում այսօր ժամը 21։00–ին։–0–
