Ադրբեջանից Հայաստան է վերադարձել 3 գերի
04.05.2021,
21:45
Այս պահին նրանք անցնում են բժշկական փորձաքննություն, հասցրել են կապվել և խոսել հարազատների հետ
ԵՐԵՎԱՆ, 4 մայիսի./ԱՌԿԱ/. Գերեվարված երեք մեր հայրենակիցն արդեն Երևանում է։ Ինքնաթիռը քիչ առաջ վայրէջք կատարեց, ռուս խաղաղապահների հրամանատար Ռուստամ Մուրադովի և Ազգային անվտանգության ծառայության ջանքերով նրանք վերադարձվել են հայրենիք, հայտնել է «Իմ քայլը» խմբակցության պատգամավոր Նազելի Բաղդասարյանը Facebook–յան իր էջում։
«Այս պահին նրանք անցնում են բժշկական փորձաքննություն, հասցրել են կապվել և խոսել հարազատների հետ։ Մեկը Շիրակի մարզից Շուխյան Սամվելն է։ Բարի և շուտափույթ վերադարձ մաղթենք նաև մեր մյուս տղաներին», – գրել է Բաղդասարյանը։–0–
