Ադրբեջանը ծանր հրետանի է կիրառում Արցախի որոշ շրջաններում. Բեգլարյան

ԵՐԵՎԱՆ, 19 սեպտեմբերի./ԱՌԿԱ/. Ադրբեջանը ծանր հրետանի է կիրառում Արցախի որոշ շրջաններում, այս մասին հայտնել է Արցախի նախկին պետնախարար Արտակ Բեգլարյանը Х սոցցանցի իր էջում (նախկին Twitter)։

«Պայթյուններ Ստեփանակերտում։ Ալիևի ցեղասպան ռեժիմը սկսեց Արցախի ժողովրդի ցեղասպանության արյունալի փուլը»,- գրել է Բեգլարյանը։

Ադրբեջանի պաշտպանության նախարարությունը հայտնել է, որ տարածաշրջանում սկսվել են «տեղական հակաահաբեկչական միջոցառումներ»՝ Ադրբեջանի Հանրապետության սահմանադրական կարգն ապահովելու և վերականգնելու նպատակով։ Ձեռնարկված միջոցառումների մասին տեղեկացվել են ռուսական խաղաղապահ զորակազմի հրամանատարությունը և թուրք-ռուսական միացյալ մոնիտորինգի կենտրոնի ղեկավարությունը։ -0-