Գալյան․ մեր խնդիրն է մինչև ընտրություններ ունենալ նոր Սահմանադրության տեքստ
ԵՐԵՎԱՆ, 14 հունվարի․/ԱՌԿԱ/․ Մեր խնդիրն է մինչև ընտրություններ ունենալ նոր Սահմանադրության տեքստ, և մենք մեր աշխատանքները պետք է տանենք հենց այդ ուղղությամբ, հայտարարեց արդարադատության նախարար Սրբուհի Գալյանն այսօր ասուլիսի ժամանակ։
Նախարարն ասաց, որ իրենց աշխատանքներն այդ ուղղությամբ պետք է տանեն։
«Կապը տեսնելը կամ այդ մասին խոսել, որ այլ երկրի (Ադրբեջանի, խմբ․) հայտարարությունների հետ է կապված նոր Սահմանադրության մասին խոսելը, շատ անտեղին է։ Ինչու՞, որովհետև նոր Սահմանադրություն ունենալու հետ կապված հարցը սկսել է քննարկվել հեղափոխությունից հետո։ Նույնիսկ 2019–2020թթ․–ին մենք ունեցել ենք նոր Սահմանադրության հայեցակարգ, և այդ աշխատանքներն ուղղակի ինչ–ինչ պատճառներով չեն հանգել տրամաբանական վերջնարդյունքին։ Ես, որպես նոր նախարար, կարծում եմ՝ պետք է ստանձնեմ պարտականություն և պատասխանատվություն մշակել նոր Սահմանադրության նախագիծ, որին հավանություն տալու է կամ չի տալու ժողովուորդը, որովհևետ նոր Սահմանարդւոյթւոնը կարող է ընդունվել միայն հանրաքվեի միջոցով», – ասաց Գալյանը։
Նա նշեց, որ պետք է առանձին գլուխների տեսքով ներկայացվեն մարդկանց իրավունքներին վերաբերող շեշտադրումները։
