Հայաստանի համար առավել քան երբևէ կարևոր է չտրվել տարբեր շահագրգիռ երկրների քաղաքական շահարկումներին․ Սամվել Կարապետյան
ԵՐԵՎԱՆ, 25 մայիսի․/ԱՌԿԱ/․ «Տաշիր» ընկերությունների խմբի նախագահ Սամվել Կարապետյանը հայտարարել է, որ Հայաստանի համար առավել քան երբևէ կարևոր է չտրվել տարբեր շահագրգիռ երկրների քաղաքական շահարկումներին։
«Միջազգային հարաբերությունների ներկայիս ճգնաժամի պայմաններում կարևոր է սերտ երկխոսություն պահպանել քաղաքական, գործարար և մշակութային հանրության բոլոր մակարդակներում, որոնք ձևավորվել են երկրների միջև երկար տարիների հարաբերություններում (Հայաստան և Ռուսաստան, խմբ․): Այսօր
Հայաստանի համար առավել քան երբևէ կարևոր է չտրվել տարբեր շահագրգիռ երկրների քաղաքական մանիպուլյացիաներին։ Կարծում եմ, որ այդ գործողություններն ուղղակի վտանգ են ներկայացնում Հայաստանի տնտեսական անվտանգության համար»,- ասաց Հայ ձեռներեցների ասոցիացիայի նախագահ Սամվել Կարապետյանը Մոսկվայում կայացած Armenian Business Forum 2024 –ի շրջանակում։
Նա կոչ արեց սթափ գնահատել նման քայլերի հետևանքները։
«Ոչ մի արտաքին հանգամանք չի կարող և չպետք է խոչընդոտ դառնա հայ-ռուսական համագործակցության մասնակիցների գործընկերության և համագործակցության զարգացման համար։ Իմ կարծիքով, դրանում է կարևոր մեզնից յուրաքանչյուրի պատասխանատվությունը», – ասաց Կարապետյանը։
