Կառավարությունը հավանություն տվեց ՆԳՆ–ի և Եվրոպոլի միջև փոխգործակցության համաձայնագրի ստորագրմանը

ԵՐԵՎԱՆ, 25 հունվարի․/ԱՌԿԱ/․ ՀՀ կառավարությունը հինգշաբթի հավանություն է տվել «Հայաստանի ՆԳՆ-ի և ԵՄ իրավապահ ոլորտում համագործակցության գործակալության միջև փոխգործակցության մասին» համաձայնագրի և «Հայաստանի ՆԳՆ-ի և ԵՄ իրավապահ ոլորտում համագործակցության գործակալության (Եվրոպոլ) միջև անվտանգ կապուղու մասին» փոխըմբռնման հուշագրի ստորագրման առաջարկություններին:

Աշխատանքային համաձայնագիրը ստորագրվել է 2021 թվականին Եվրոպոլի տնօրեն Քեթրին դե Բոլլեի և Հայաստանի ՆԳՆ ղեկավար Վահե Ղազարյանի կողմից։ Փոխգործակցության նպատակն է պայքարել միջազգային հանցավորության, այդ թվումէ թմրամիջոցների ապօրինի շրջանառության, անօրինական միգրացիայի, փողերի լվացման և թրաֆիքինգի դեմ:

Համաձայնագիրը, մասնավորապես, հնարավորություն կտա Եվրոպոլ ուղարկել Հայաստանի ներքին գործերի նախարարության կապի սպայի՝ տեղեկատվության ավելի օպերատիվ փոխանակումապահովելու համար։ Բացի այդ, հուշագիրը իրավական հիմքեր կստեղծի Հայաստանի Ներքին գործերի նախարարությունում համապատասխան սարքավորումներ տեղադրելո համար՝ ապահովելով տվյալների փոխանցման անվտանգ կապուղի։–0–