ՊՆ. պատրաստ ենք ցանկացած զարգացման. Հայաստանն ուշի ուշով հետևում է թուրք-ադրբեջանական զորավարժություններին
05.06.2019,
11:32
Հայաստանն ուշի ուշով հետևում էք ամեն ինչին և պատրաստ է ցանկացած զարգացման։
ԵՐԵՎԱՆ, 5 հունիսի./ԱՌԿԱ/. ՀՀ ՊՆ մամուլի քարտուղար Արծրուն Հովհաննիսյանը Facebook–յան իր էջում անդրադարձել է թուրք-ադրբեջանական զորավարժություններին։
«Մենք ուշի ուշով հետևում ենք ամեն ինչին և պատրաստ ենք ցանկացած զարգացման։ Հայաստանի Հանրապետության Զինված Ուժերը իր ռազմավարական դաշնակից Ռուսաստանի Դաշնության հետ համատեղ իրականացնում է ավելի մասշտաբային ու բովանդակային զորավարժություններ», – նշել է Հովհաննիսյանը։
Ադրբեջանն ու Թուրքիան հունիսի 7–11–ը Նախիջևանում կանցկացնեն «Անխախտելի եղբայրություն 2019» համատեղ մարտավարական զորավարժությունների վերջին փուլը։–0–
