Рейтинг@Mail.ru
USD
381.43
EUR
440.89
RUB
4.8627
GEL
141.17
2025 թ. դեկտեմբերի 1, երկուշաբթի
եղանակը
Երևանում
+2

Փաշինյանը պարզաբանել է, թե երբ տեղի կունենան արտահերթ խորհրդարանական ընտրությունները (ՎԻԴԵՈ)

03.03.2021, 20:49
Վարչապետը նաև նշեց, որ ընտրությունները հանրային համերաշխությունը վերականգնելու միջոց են. ՎԻԴԵՈ
Փաշինյանը պարզաբանել է, թե երբ տեղի կունենան արտահերթ խորհրդարանական ընտրությունները (ՎԻԴԵՈ)

ԵՐԵՎԱՆ, 3 մարտի./ԱՌԿԱ/. ՀՀ վարչապետ Նիկոլ Փաշինյանը, այսօր ԱԺ–ում պատասխանելով պատգամավորների հարցերին, հայտարարեց, որ եթե խորհրդարանական ընդդիմությունն ընդունի արտահերթ խորհրդարանական ընտրություններ անցկացնելու առաջարկը, ապա դրանք տեղի կունենան համաձայնեցված ժամկետներում` 2021թ.–ին։

Նրա խոսքով, ընտրությունները հանրային համերաշխությունը վերականգնելու միջոց են։

«Կառավարությունը ու նաև քաղաքական ուժերը պետք է լինեն երաշխավորը, որ այդ ընտրությունները տեղի ունենան ազատ, արդար, օրինական պայմաններում։ Եթե մեր խորհրդարանական ընդդիմության գործընկերներն ընդունեն առաջարկը, մենք կունենանք արտահերթ խորհրդարանական ընտրություններ՝ համաձայնեցված ժամկետներում: Ես արդեն հրավեր հղել եմ առաջին հերթին խորհրդարանական ընդդիմության ղեկավարներին, և ես պլանավորում եմ առաջիկա օրերին հանդիպել և հույս ունեմ, որ այդ համաձայնությունը ձեռք կբերվի», – նշեց վարչապետը։

Մարտի 1–ին կայացած հանրահավաքի ժամանակ Փաշինյանը հայտարարեց, որ պատրաստ է գնալ արտահերթ խորհրդարանական ընտրությունների։–0–