ՀՀ ԱԺ–ն մերժեց 2008 թ.–ի մարտի 1–ի իրադարձությունների ուսումնասիրմամբ զբաղվող ժամանակավոր հանձնաժողովի ստեղծման նախաձեռնությունը

ԵՐԵՎԱՆ, 10 մարտի. /ԱՌԿԱ/. ՀՀ ԱԺ պատգամավորները երկուշաբթի «դեմ» են քվեարկել 2008 թ.–ի մարտի 1–2–ի իրադարձությունների ուսումնասիրմամբ զբաղվող ժամանակավոր խորհրդարանական հանձնաժողովի ստեղծմանը, հաղորդում է «Նովոստի–Արմենիա» գործակալության թղթակիցը։

Հանձնաժողովի ստեղծմանը «կողմ» է քվեարկել 46 պատգամավոր, դեմ` 66, 1 պատգամավոր ձեռնպահ է մնացել։

Քվեարկությունից առաջ «Բարգավաճ Հայաստան» խմբակցության քարտուղար Նաիրա Զոհրաբյանը հայտարարել է, որ իրենց կուսակցության համար այս հարցում տաբու չկա, նա կոչ է արել «բոլոր նրանց, ովքեր վախենալու բան չունեմ», կողմ քվեարկել հանձնաժողովի ստեղծմանը։

Ընդդիմադիր ՀԱԿ խմբակցության ղեկավար Լևոն Զուրաբյանն իր հերթին հայտարարել է, որ ««դեմ» քվեարկողներն իրենց վրա կվերցնեն այդ օրերին թափված արյան համար պատասխանատվությունը»։

ՀԱԿ պատգամավոր Գագիկ Ջհանգիրյանը կոչ է արել խորհրդարանին օգտվել իր գործառույթներից իրադարձությունների ուսումնասիրման համար, «քանի որ իրավապահ մարմինները չեն ցանկանա գտնել մեղավորներին»։

Դրան ի պատասխան` իշխող ՀՀԿ խմբակցության ղեկավար Գալուստ Սահակյանը հայտարարել է, որ ժամանակավոր հանձնաժողովի ստեղծման առաջարկը «քաղաքական շոու» է համարում։ Նա նաև նշել է, որ ուսումնասիրելով այդ հարցերով զբաղվող հանձնաժողովների աշխատանքը` խմբակցությունն աննպատակահարմար է համարում այս հարցի ուսումնասիրմամբ զբաղվող խորհրդարանական նոր ժամանակավոր հանձնաժողովի ստեղծումը։

Հանձնաժողովի ստեղծման առաջարկվող խորհրդարանի խոսնակին էր դիմել երեք պատգամավոր։ Նման հանձնաժողով արդեն ձևավորվել են հայկական խորհրդարանում 2008 թ.–ի հունիսի 16–ին։ Նրա զեկույցը ներկայացվել էր 2009 թ.–ի սեպտեմբերի 16–17–ին կայացած խորհրդարանի նիստի ժամանակ։

2013 թ.–ի մայիսին ՀՀ ԱԺ–ն մերժել էր նմանատիպ հանձնաժողովի ստեղծման օրինագիծը։–0–