ԱԺ–ն քննարկում է Միգրացիոն քաղաքականության մշակման միջազգային կենտրոնին միանալու հարցը
ԵՐԵՎԱՆ, 11 սեպտեմբերի. /ԱՌԿԱ/. ՀՀ ԱԺ–ն երկուշաբթի քննարկում է Միգրացիոն քաղաքականության մշակման միջազգային կենտրոնին միանալու հարցը։
Ինչպես նշեց ՀՀ փոխարտգործնախարար Շավարշ Քոչարյանը, օրինագիծն ուղղված է նրան, որ կազմակերպությունը կարողանա Հայաստանում աշխատել ավելի արդյունավետ` ընդունելով հայաստանցիների և օտարերկրացիների։
Նրա խոսքով, կենտրոնը ստեղծվել է 1993 թ.–ին Ավստրիայի և Շվեյցարիայի նախաձեռնությամբ, այնուհետև կենտրոնին է միացել ևս 15 երկիր։
«Կենտրոնն ունի ներկայացուցչություններ շատ երկրներում։ Բացի միգրացիոն հարցերից, գրասենյակը նաև աջակցում է Հայաստանին գործընթացների կարգավորման հարցում` մասնավորապես Վրաստանի հետ սահմանին։ Ծրագրեր են իրականացվում նաև Իրանի հետ սահմանին», – ընդգծեց Քոչարյանը։
Նա ավելացրեց, որ համաձայնագրով նաև դյուրացվում է վիզային պայմանագրերի կնքումը։–0–
