ՀՀ վարչապետ. Հայաստանի պատասխանն Ադրբեջանին կլինի համարժեք
25.07.2018,
13:55
Փաշինյանն ասել է, որ Հայաստանի պատասխանն ադրբեջանական ռազմավարությանը կլինի համարժեք։
ԵՐԵՎԱՆ, 25 հուլիսի./ԱՌԿԱ/. Հայաստանի պատասխանն ադրբեջանական ռազմավարությանը կլինի համարժեք, չորեքշաբթի լրագրողների ասաց ՀՀ վարչապետ Նիկոլ Փաշինյանը։
«Հայկական կողմը եղել է և շարունակում է հավատարիմ մնալ խաղաղ կարգավորմանը, ինչը չենք տեսնում ադրբեջանական կողմից։ Ամեն դեպքում մենք կշարունակենք ամրապնդել մեր զինված ուժերը», – ասաց նա։
Փաշինյանն ընդգծեց, որ պատասխանի համաչափությունը կախված կլինի ստեղծված իրավիճակից։
Պատասխանելով այն հարցին, թե, արդյոք, դա նշանակու՞մ է, որ հայկական բանակն անցնում է ավելի հարձակողական վարքագծի, վարչապետը կոչ արեց չզբաղվել իր խոսքերի մեկնաբանությամբ։
«Արձագանքը կլինի հենց համարժեք», – ասաց նա։–0–
