Լեհաստանն ու Լյուքսեմբուրգը վավերացրեցին ՀՀ–ԵՄ համաձայնագիրը
ԵՐԵՎԱՆ, 29 հունիսի./ԱՌԿԱ/. Լեհաստանն ու Լյուքսեմբուրգն այսօր վավերացրեցին ՀՀ–ԵՄ համաձայնագիրը։
Այս մասին Facebook–յան իր էջում տեղեկացնում է ՀՀԿ խմբակցության պատգամավոր , ՀՀ ԱԺ արտաքին հարաբերությունների մշտական հանձնաժողովի ղեկավար Արմեն Աշոտյանը։
«Հայաստանի Հանրապետության և Եվրոպական Միության միջև ստորագրված «Համապարփակ և ընդլայնված գործընկերության մասին» համաձայնագիրը 2018 թվականի հունիսի 29-ին միաձայն քվեարկությամբ վավերացվեց նաև Լեհաստանի Սենատի կողմից։ Այսպիսով համաձայնագրի վավերացումը Լեհաստանի կողմից նույնպես ավարտված է» – գրել է Աշոտյանը։
Նա նաև նշել է, որ Լյուքսեմբուրգի պատգամավորների պալատը միաձայն քվեարկությամբ վավերացրել է Հայաստանի Հանրապետության և Եվրոպական Միության միջև ստորագրված «Համապարփակ և ընդլայնված գործընկերության մասին» համաձայնագիրը:–0–
