Նիկոլ Փաշինյանը վաղը կհանդիպի Սերժ Սարգսյանի հետ
ԵՐԵՎԱՆ, 22 ապրիլի./ԱՌԿԱ/. «Ելք» խմբակցության առաջնորդ, «Քաղաքացիական պայմանագիր» կուսակցության ղեկավար Նիկոլ Փաշինյանը հայտարարել է, որ կիրակի կհանդիպի ՀՀ վարչապետ Սերժ Սարգսյանի հետ։
«Մենք ստացել ենք հաստատում, որ Սերժ Սարգսյանը պատրաստ է հանդիպել և քննարկել մեր օրակարգը։ Վաղը ժամը 10։00–ին մենք կհանդիպենք «Մարիոթ» հյուրանոցում», –ասաց Փաշինյանը։
«Նովոստի–Արմենիա» գործակալությանը դեռ չի հաջողվել ստանալ այս տեղեկատվության հաստատումը պաշտոնական աղբյուրներից։
Շաբաթ օրն ավելի վաղ Սարգսյանը քաղաքական երկխոսության կոչով դիմել էր Փաշինյանին։
Ապրիլի 13–ին «Ելք» ընդդիմադիր խմբակցության ղեկավար, «Քաղաքացիական պայմանագիր» կուսակցության ղեկավար Նիկոլ Փաշինյանը Երևանում անցկացնում է շուրջօրյա հանրահավաքներ Սերժ Սարգսյանի վարչապետության դեմ։ Ապրիլի 16–ից հանրահավաքները վերածվեցին քաղաքացիական անհնազանդության համաքաղաքային ակցիաների։ Բողոքներն ուղեկցվում են բախումներով ցուցարարների և իրավապահների միջև, մասնավորապես, Բաղրամյան պողոտայում, փողոցների և առանցքային մայրուղիների, ինչպես նաև պետական հաստատությունների շենքերի արգելափակմամբ։ Ապրիլի 17–ին կազմակերպված հանրահավաքի ժամանակ Փաշինյանը հայտարարեց «թավշյա» հեղափոխության մասին։–0–
