Փաշինյան. հեղափոխության համար մենք ծախսել ենք գրեթե 200 հազար դոլար
07.05.2019,
17:48
Նիկոլ Փաշինյանը ռուսական РБК հեռուստաալիքին տված հարցազրույցում պատմել է, թե որքան է ծախսվել «թավշյա» հեղափոխության համար:
ԵՐԵՎԱՆ, 7 մայիսի. /ԱՌԿԱ/. Հայաստանի վարչապետ Նիկոլ Փաշինյանը ռուսական РБК հեռուստաալիքին տված հարցազրույցում պատմել է, թե որքան է ծախսվել «թավշյա» հեղափոխության համար:
«Մեր հեղափոխության համար մենք ծախսել ենք գրեթե 200 հազար դոլար: Մեր հեղափոխությունը` ռոմանտիզմի հաղթանակն էր պրագմատիզմի նկատմամբ», - ասել է Փաշինյանը:
ՀՀ վարչապետը նշել է նաև, որ շատ լավ հարաբերություններ ունի Ռուսաստանի նախագահ Վլադիմիր Պուտինի հետ:
Հանրապետությունում 2018 թ.-ի ապրիլի 13-ից անցկացվող բողոքի զանգվածային ակցիաների ֆոնին ապրիլի 23-ին Հայաստանի վարչապետ Սերժ Սարգսյանը հայտարարեց հրաժարականի մասին: Նույն օրը նախագահ Արմեն Սարգսյանն ընդունեց կառավարության հրաժարականը: -0-
