Տարոն Մարգարյանն Ալեն Սիմոնյանին ավագանու մանդատից զրկելու արձանագրություն է ուղարկել ԿԸՀ
24.05.2018,
12:27
Այսօր ԿԸՀ-ն ստացել է Երևանի քաղաքապետ Տարոն Մարգարյանի արձանագրությունը ավագանու անդամ Ալեն Սիմոնյանի լիազորությունները վաղաժամկետ դադարեցնելու մասին։
ԵՐԵՎԱՆ, 24 մայիսի./ԱՌԿԱ/. Այսօր ԿԸՀ-ն ստացել է Երևանի քաղաքապետ Տարոն Մարգարյանի արձանագրությունը ավագանու անդամ Ալեն Սիմոնյանի լիազորությունները վաղաժամկետ դադարեցնելու մասին։
Այս մասին հայտնում է «Նովոստի–Արմենիա» գործակալությունը` հղում անելով ԿԸՀ մամուլի քարտուղար Հերմինե Հարությունյանին:
«ԿԸՀ–ի նիստը հավանաբար կկայանա այսօր», – հայտնեց Հարությունյանը։
Նշենք, որ Երևանի ավագանու «Ելք» խմբակցության անդամ Ալեն Սիմոնյանը վարչապետ Նիկոլ Փաշինյանի փոխարեն ԱԺ էր գնացել, սակայն առաջին նիստից հետո հայտարարել է մանդատից հրաժարվելու մասին: Նա նշել էր, որ աշխատանքը կշարունակի Երևանի քաղաքապետարանում:–0–
